വാളയാര് കേസ് പ്രതികളെ അറസ്റ്റ് ചെയ്യണമെന്ന് ഹൈക്കോടതി
സുഹൃത്തെ,
അരികുവല്ക്കരിക്കപ്പെടുന്നവരുടെ കൂടെ നില്ക്കുക എന്ന രാഷ്ട്രീയ നിലപാടില് നിന്ന് ആരംഭിച്ച thecritic.in പതിനാലാം വര്ഷത്തേക്ക് കടന്നിരിക്കുകയാണ്. സ്വാഭാവികമായും ഈ പ്രസിദ്ധീകരണത്തിന്റെ നിലനില്പ്പിന് വായനക്കാരുടേയും സമാനമനസ്കരുടേയും സഹകരണം അനിവാര്യമാണ്. പലപ്പോഴും അതു ലഭിച്ചിട്ടുമുണ്ട്. ഈ സാഹചര്യത്തില് 2026 - 27 സാമ്പത്തിക വര്ഷത്തേക്ക് സംഭാവന എന്ന നിലയില് കഴിയുന്ന തുക അയച്ചുതന്ന് സഹകരിക്കണമെന്ന് അഭ്യര്ത്ഥിക്കുന്നു.
Scan QR Code to Pay
വാളയാര് കേസിലെ ആറു പ്രതികളെയും അറസ്റ്റ് ചെയ്ത ശേഷം വിചാരണക്കോടതിയില് ഹാജരാക്കി ജാമ്യത്തില് വിടണമെന്ന് ഹൈക്കോടതി. പ്രതികളെ വെറുതെ വിട്ടതിനെതിരെ സര്ക്കാര് നല്കിയ അപ്പീലിലാണ് ഹൈക്കോടതിയുടെ നിര്ദേശം. പ്രതികളെ അറസ്റ്റ് ചെയ്യാന് അനുമതി തേടി സര്ക്കാര് ഹൈക്കോടതിയില് അപേക്ഷ നല്കിയിരുന്നു. ഇവരെ വിചാരണ കോടതി വെറുതെ വിട്ടിരുന്നു. ഇതിനെതിരെ ഇരകളുടെ അമ്മ ഹരജി നല്കിയിട്ടുണ്ട്. അതിനൊപ്പമാണ് സര്ക്കാരും അപ്പീല് നല്കിയത്. പ്രതികള് തെളിവ് നശിപ്പിക്കാനോ നാട് വിടാനോ സാധ്യതയുണ്ടെന്ന് ചൂണ്ടികാട്ടിയാണ് സര്ക്കാര് അപ്പീല് നല്കിയത്.
