ദേശീയപണിമുടക്ക് ഇന്ന് അര്ദ്ധരാത്രി 12 മണിമുതല്
സുഹൃത്തെ,
അരികുവല്ക്കരിക്കപ്പെടുന്നവരുടെ കൂടെ നില്ക്കുക എന്ന രാഷ്ട്രീയ നിലപാടില് നിന്ന് ആരംഭിച്ച thecritic.in പതിനാലാം വര്ഷത്തേക്ക് കടന്നിരിക്കുകയാണ്. സ്വാഭാവികമായും ഈ പ്രസിദ്ധീകരണത്തിന്റെ നിലനില്പ്പിന് വായനക്കാരുടേയും സമാനമനസ്കരുടേയും സഹകരണം അനിവാര്യമാണ്. പലപ്പോഴും അതു ലഭിച്ചിട്ടുമുണ്ട്. ഈ സാഹചര്യത്തില് 2026 - 27 സാമ്പത്തിക വര്ഷത്തേക്ക് സംഭാവന എന്ന നിലയില് കഴിയുന്ന തുക അയച്ചുതന്ന് സഹകരിക്കണമെന്ന് അഭ്യര്ത്ഥിക്കുന്നു.
Scan QR Code to Pay
തൊഴിലാളി യൂണിയനുകളുടെ സംയുക്തസമിതി ആഹ്വാനംചെയ്ത ദേശീയപണിമുടക്ക് ഇന്ന് അര്ദ്ധരാത്രി 12 മണിമുതല് മുതല് ആരംഭിക്കും. ബിഎംഎസ്. ഒഴികെ പത്ത് ദേശീയ തൊഴിലാളി യൂണിയനുകളും കേന്ദ്ര, സംസ്ഥാന സര്ക്കാര് ജീവനക്കാരുടെയും ബാങ്ക്, ഇന്ഷുറന്സ്, ബിഎസ്എന്എല് ജീവനക്കാരുടെയും സംഘടനകള് ചേര്ന്നാണ് പണിമുടക്ക് ആഹ്വാനംചെയ്തത്. തൊഴിലാളികളുടെ കുറഞ്ഞവേതനം മാസം 21,000 രൂപയാക്കുക, പൊതുമേഖലാ സ്വകാര്യവത്കരണം ഉപേക്ഷിക്കുക, തൊഴില്നിയമങ്ങള് ഭേദഗതി ചെയ്യരുത് തുടങ്ങിയ ആവശ്യങ്ങളുന്നയിച്ചാണ് പണിമുടക്ക്. കൂടാതെ പൗരത്വ ഭേദഗതിനിയമവും ദേശീയ പൗര്വ പട്ടികയും പിന്വലിക്കുക എന്ന ആവശ്യവും ഉന്നയിച്ചിട്ടുണ്ട്. അസംഘടിത, പരമ്പരാഗത മേഖലയിലെ തൊഴിലാളികള് പണിമുടക്കില് പങ്കെടുക്കും. വിമാനത്താവള, വ്യവസായ, തുറമുഖ തൊഴിലാളികളും പണിമുടക്കും. കര്ഷകരും കര്ഷകത്തൊഴിലാളികളും ഗ്രാമീണ ഹര്ത്താലിനും ആഹ്വാനംചെയ്തിട്ടുണ്ട്. അവശ്യസര്വീസുകള്, ആശുപത്രി, പാല്, പത്രവിതരണം, വിനോദസഞ്ചാരമേഖല, ശബരിമല തീര്ഥാടനം എന്നിവയെ പണിമുടക്കില്നിന്ന് ഒഴിവാക്കിയിട്ടുണ്ട്.
