സദാചാരഗുണ്ടായിസം : യുവാവ് ആത്മഹത്യ ചെയ്തു. യുവതി ആശുപത്രിയില്
സുഹൃത്തെ,
അരികുവല്ക്കരിക്കപ്പെടുന്നവരുടെ കൂടെ നില്ക്കുക എന്ന രാഷ്ട്രീയ നിലപാടില് നിന്ന് ആരംഭിച്ച thecritic.in പതിനാലാം വര്ഷത്തേക്ക് കടന്നിരിക്കുകയാണ്. സ്വാഭാവികമായും ഈ പ്രസിദ്ധീകരണത്തിന്റെ നിലനില്പ്പിന് വായനക്കാരുടേയും സമാനമനസ്കരുടേയും സഹകരണം അനിവാര്യമാണ്. പലപ്പോഴും അതു ലഭിച്ചിട്ടുമുണ്ട്. ഈ സാഹചര്യത്തില് 2026 - 27 സാമ്പത്തിക വര്ഷത്തേക്ക് സംഭാവന എന്ന നിലയില് കഴിയുന്ന തുക അയച്ചുതന്ന് സഹകരിക്കണമെന്ന് അഭ്യര്ത്ഥിക്കുന്നു.
Scan QR Code to Pay
പ്രണയത്തിന്റെ പേരില് സദാചാര ഗുണ്ടായിസത്തിന് ഇരയായതില് മനംനൊന്ത് യുവാവ് ആത്മഹത്യ ചെയ്തു. സംഭവമറിഞ്ഞ് വിഷം കഴിച്ച് ഗുരുതരാവസ്ഥയിലായ പെണ്കുട്ടി കോഴിക്കോട് മെഡിക്കല് കോളജ് ആശുപത്രിയില് ചികിത്സയിലാണ്. കോട്ടയ്ക്കല് സ്വദേശി പുതുപ്പറമ്പ് പൊട്ടിയില് വീട്ടില് ഹൈദരലിയുടെ മകന് ഷാഹിര് ആണ് പുലര്ച്ചെ രണ്ടു മണിയോടെ മരിച്ചത്. ഞായറാഴ്ച നബിദിന പരിപാടികള് കാണുന്നതിനായി സഹോദരന് ഷാഹിലിനും സുഹൃത്തിനുമൊപ്പം പോയ ഷാഹിറിനെ പെണ്കുട്ടിയുടെ ബന്ധുക്കള് രണ്ടു മണിക്കൂറോളം തടഞ്ഞുവെച്ച് ക്രൂരമായി മര്ദ്ദിക്കുകയായിരുന്നു. അവശനായ ഷാഹിര് വീട്ടിലെത്തിയ ശേഷം വിഷം കഴിക്കുകയായിരുന്നു. വിഷം കഴിച്ചതുകൊണ്ട് മാത്രമല്ല, ആന്തരിക രക്തസ്രാവവും നട്ടെല്ലിനേറ്റ പരിക്കുമാണ് ആരോഗ്യനില വഷളാക്കിയതെന്ന് ഡോക്ടര്മാര് പറഞ്ഞതായി ബന്ധുക്കള് പറയുന്നു. 15 പേര്ക്കെതിരെ പോലീസ് കേസെടുത്തിട്ടുണ്ട്. ഷാഹിറിന്റെ മരണവാര്ത്ത അറിഞ്ഞതോടൊണ് പെണ്കുട്ടി വിഷം കഴിച്ചത്.
