സിസ്റ്റര് ലൂസി കളപ്പുരക്കലിനെതിരെ വീണ്ടും സഭയുടെ വേട്ടയാടല്
സുഹൃത്തെ,
അരികുവല്ക്കരിക്കപ്പെടുന്നവരുടെ കൂടെ നില്ക്കുക എന്ന രാഷ്ട്രീയ നിലപാടില് നിന്ന് ആരംഭിച്ച thecritic.in പതിനാലാം വര്ഷത്തേക്ക് കടന്നിരിക്കുകയാണ്. സ്വാഭാവികമായും ഈ പ്രസിദ്ധീകരണത്തിന്റെ നിലനില്പ്പിന് വായനക്കാരുടേയും സമാനമനസ്കരുടേയും സഹകരണം അനിവാര്യമാണ്. പലപ്പോഴും അതു ലഭിച്ചിട്ടുമുണ്ട്. ഈ സാഹചര്യത്തില് 2026 - 27 സാമ്പത്തിക വര്ഷത്തേക്ക് സംഭാവന എന്ന നിലയില് കഴിയുന്ന തുക അയച്ചുതന്ന് സഹകരിക്കണമെന്ന് അഭ്യര്ത്ഥിക്കുന്നു.
Scan QR Code to Pay
ബിഷപ്പ് ഫ്രാങ്കോ മുളയ്കക്കലിനെതിരായ ലൈംഗിക പീഡന കേസില് സമരം ചെയ്ത കന്യാസ്ത്രീകള്ക്ക് ശക്തമായ പിന്തുണ നല്കിയ ലൂസി കളപ്പുരയ്ക്കെതിരെ വീണ്ടും സഭയുടെ വേട്ടയാടല്. മെയ് 11 ന് ചേര്ന്ന ജനറല് കൗണ്സില് യോഗത്തില് ലൂസി കളപ്പുരയെ സഭയില് നിന്ന് പുറത്താക്കാന് തീരുമാനിച്ചിരുന്നു. എന്നാല് ഇപ്പോള് ഇന്ന് തന്നെ മഠം വിട്ടിറങ്ങണമെന്നാണ് ഫ്രാന്സിസ്കന് ക്ലാരിസ്റ്റ് സന്യാസി സമൂഹം (എഫ്സിസി) നിലപാടെടുത്തിരിക്കുന്നത്. മകളെ മഠത്തില് നിന്ന് പുറത്താക്കണമെന്നും അറിയിച്ചുകൊണ്ട് സിസ്റ്ററിന്റെ അമ്മക്ക് സഭ കത്തയച്ചു.
കന്യാസ്ത്രീ സമരത്തില് പങ്കെടുത്തു, വിലക്ക് മറികടന്ന് തുടര്ച്ചയായി മാധ്യമങ്ങള്ക്ക് അഭിമുഖം നല്കി, ദാരിദ്ര്യവ്രതം പാലിക്കാതെ സ്വന്തമായി കാര് വാങ്ങി, ശമ്പളം മഠത്തിലേക്ക് നല്കിയില്ല, അനുമതിയില്ലാതെ പുസ്തകം പ്രസിദ്ധീകരിച്ച് അനാവശ്യചെലവുണ്ടാക്കി, വസ്ത്രധാരണച്ചട്ടം ലംഘിച്ചു തുടങ്ങി നിരവധി ആരോപണങ്ങളാണ് ലൂസി കളപ്പുരയ്ക്കെതിരെ സഭ ഉന്നയിച്ചിരുന്നു. ഇതെല്ലം സഭയില് നിന്നും പുറത്താക്കുന്നതിനു കരണമായിരുന്നു. മാധ്യമങ്ങളോട് പ്രതികരിച്ച സിസ്റ്റര് ലൂസി സഭക്കെതിരെ നിയമ നടപടി സ്വീകരിക്കുമെന്നു പറഞ്ഞു.
