മ്യാന്മര് : പട്ടാളനടപടിക്കെതിരെ വ്യാപക പ്രതിഷേധം
സുഹൃത്തെ,
അരികുവല്ക്കരിക്കപ്പെടുന്നവരുടെ കൂടെ നില്ക്കുക എന്ന രാഷ്ട്രീയ നിലപാടില് നിന്ന് ആരംഭിച്ച thecritic.in പതിനാലാം വര്ഷത്തേക്ക് കടന്നിരിക്കുകയാണ്. സ്വാഭാവികമായും ഈ പ്രസിദ്ധീകരണത്തിന്റെ നിലനില്പ്പിന് വായനക്കാരുടേയും സമാനമനസ്കരുടേയും സഹകരണം അനിവാര്യമാണ്. പലപ്പോഴും അതു ലഭിച്ചിട്ടുമുണ്ട്. ഈ സാഹചര്യത്തില് 2026 - 27 സാമ്പത്തിക വര്ഷത്തേക്ക് സംഭാവന എന്ന നിലയില് കഴിയുന്ന തുക അയച്ചുതന്ന് സഹകരിക്കണമെന്ന് അഭ്യര്ത്ഥിക്കുന്നു.
Scan QR Code to Pay
മ്യാന്മറില് ഭരണം പിടിച്ചെടുത്ത് ഓങ്സാന് സൂചിയടക്കമുള്ളവരെ തടങ്കലിലാക്കുകയും അടിയന്തരാവസ്ഥ പ്രഖ്യാപിക്കുകയും ചെയ്ത സൈന്യത്തിന്റെ നടപടിയില് വ്യാപക പ്രതിഷേധം. നടപടിയില് നിന്ന് പിന്മാറിയില്ലെങ്കില് മ്യാന്മറിന് മേല് ഉപരോധം ഏര്പ്പെടുത്തുമെന്ന് അമേരിക്കന് പ്രസിഡന്റ് ജോ ബൈഡന് മുന്നറിയിപ്പ് നല്കി. സൈനിക നടപടിയെ ബ്രിട്ടണും ഐക്യരാഷ്ട്ര സഭയും അപലപിച്ചു.
ദി ക്രിട്ടിക് ഫേസ് ബുക്ക് പേജ് ലൈക്ക് ചെയ്യുക
മ്യാന്മറില് പുതുതായ തെരഞ്ഞെടുക്കപ്പെട്ട പാര്ലമെന്റംഗങ്ങള് ഇന്ന് ചുമതലയേല്ക്കാനിരിക്കെയാണ് പട്ടാള അട്ടിമറി. തെരഞ്ഞെടുപ്പില് ഓങ് സാങ് സൂചിയുടെ നാഷണല് ലീഗ് ഫോര് ഡെമോക്രസി വന്നേട്ടമുണ്ടായിരുന്നു. തെരഞ്ഞെടുപ്പില് കള്ളക്കളി നടന്നെന്നാരോപിക്കുന്ന പട്ടാളം ഭരണം അട്ടിമറിച്ചേക്കുമെന്ന ആശങ്ക നേരത്തെ നിലനിന്നിരുന്നു. യു.എനും ഈ സൂചന നല്കിയിരുന്നു. 2011 ലാണ് രാജ്യത്ത് പട്ടാളഭരണം അവസാനിച്ചത്. അതിന് ശേഷം നടന്ന രണ്ടാമത്തെ പൊതുതെരഞ്ഞെടുപ്പായിരുന്നു ഇത്.
ദി ക്രിട്ടിക് യു ട്യൂബ് ചാനല് സബ്സ്ക്രൈബ് ചെയ്യുക
സൈനിക നടപടിക്കെതിരെ പ്രതിഷേധിക്കണമെന്ന് സൂചി അണികളോട് ആവശ്യപ്പെട്ടു. സൂചിക്കൊപ്പം രാജ്യത്തെ ഉന്നത ഉദ്യോഗസ്ഥരും സൈന്യത്തിന്റെ കസ്റ്റഡിയിലാണ്. രാജ്യത്തെ ഔദ്യോഗിക റേഡിയോ സംപ്രേഷണം നിര്ത്തിവെച്ചിരിക്കുകയാണ്. തലസ്ഥാനത്ത് ഇന്റര്നെറ്റ് സേവനവും വിച്ഛേദിച്ചു. ഹ്യൂമന് റൈറ്റ്സ് വാച്ചും നിരവധി ലോകരാജ്യങ്ങളും മ്യാന്മര് സൈന്യത്തിന്റെ അട്ടിമറി നടപടിയില് പ്രതിഷേധിച്ച് രംഗത്തെത്തി. ഓസ്ട്രേലിയ, അമേരിക്ക, സിംഗപ്പൂര് തുടങ്ങിയ രാജ്യങ്ങളാണ് ഇതിനോടകം പരസ്യ പ്രതികരണങ്ങള് മുന്നോട്ടുവെച്ചത്. ഇന്ത്യയാകട്ടെ കാര്യങ്ങള് നിരീക്ഷിക്കുകയാണ്.
