ആരും ആങ്ങള ചമയേണ്ടെന്ന് വനിതാ മാധ്യമപ്രവര്ത്തകര്
സുഹൃത്തെ,
അരികുവല്ക്കരിക്കപ്പെടുന്നവരുടെ കൂടെ നില്ക്കുക എന്ന രാഷ്ട്രീയ നിലപാടില് നിന്ന് ആരംഭിച്ച thecritic.in പതിനാലാം വര്ഷത്തേക്ക് കടന്നിരിക്കുകയാണ്. സ്വാഭാവികമായും ഈ പ്രസിദ്ധീകരണത്തിന്റെ നിലനില്പ്പിന് വായനക്കാരുടേയും സമാനമനസ്കരുടേയും സഹകരണം അനിവാര്യമാണ്. പലപ്പോഴും അതു ലഭിച്ചിട്ടുമുണ്ട്. ഈ സാഹചര്യത്തില് 2026 - 27 സാമ്പത്തിക വര്ഷത്തേക്ക് സംഭാവന എന്ന നിലയില് കഴിയുന്ന തുക അയച്ചുതന്ന് സഹകരിക്കണമെന്ന് അഭ്യര്ത്ഥിക്കുന്നു.
Scan QR Code to Pay
സഹപ്രവര്ത്തകയെയും കുടുംബത്തെയും സദാചാര പൊലീസ് ചമഞ്ഞ് അപമാനിച്ച തിരുവനന്തപുരം പ്രസ്ക്ലബ് സെക്രട്ടറിക്കെതിരെ വനിതാ മാധ്യമപ്രവര്ത്തകരുടെ പ്രതിഷേധം. ആരും ആങ്ങള ചമയേണ്ടെന്ന് ഓര്മ്മിപ്പിച്ചും എം രാധാകൃഷ്ണനെ സെക്രട്ടറി സ്ഥാനത്ത് നിന്ന് പുറത്താക്കണമെന്നും ആവശ്യപ്പെട്ട് വനിതാ മാധ്യമപ്രവര്ത്തകര് പ്രസ് ക്ലബ് ഓഫീസ് ഉപരോധിച്ചു. മനേജിങ് കമ്മിറ്റി യോഗം നടന്ന മുറിയിലേക്ക് ഇടിച്ചു കയറിയ സെക്രട്ടറിക്ക് ചാണകവെള്ളം സമ്മാനിച്ചു. രാധാകൃഷ്ണനെ പുറത്താക്കിയില്ലെങ്കില് സമരം ശക്തമാക്കുമെന്നും വനിതാ പ്രവര്ത്തകര് അറിയിച്ചു.
ശനിയാഴ്ച രാത്രി പത്തുമണിയോടെ യുവതിയുടെ സഹപ്രവര്ത്തകന് വീട്ടിലെത്തിയതിനെ ചോദ്യം ചെയ്താണ് രാധാകൃഷ്ണനും സംഘവും ഏഴും എട്ടും വയസുള്ള കുട്ടികളുമായി കഴിയുന്ന മാധ്യമപ്രവര്ത്തകയുടെ വീട്ടില് അതിക്രമിച്ചു കയറുകയും ദേഹോപദ്രവമേല്പ്പിക്കുകയും ചെയ്തത്. മാധ്യമ പ്രവര്ത്തകന് കൂടിയായ യുവതിയുടെ ഭര്ത്താവ് വീട്ടിലില്ലായിരുന്നു. സംഭവത്തില് നെറ്റ് വര്ക്ക് ഓഫ് വിമണ് ഇന് മീഡിയ മുഖ്യമന്ത്രിക്കും പരാതി നല്കിയിരുന്നു. രാധാകൃഷ്ണന് ഉള്പ്പെടെ അഞ്ച് പേര്ക്കെതിരെ പൊലീസ് കേസെടുത്തിട്ടുണ്ട്.
