മഴ വീണ്ടും കനക്കുന്നു, കേരളം ആശങ്കയില്
സുഹൃത്തെ,
അരികുവല്ക്കരിക്കപ്പെടുന്നവരുടെ കൂടെ നില്ക്കുക എന്ന രാഷ്ട്രീയ നിലപാടില് നിന്ന് ആരംഭിച്ച thecritic.in പതിനാലാം വര്ഷത്തേക്ക് കടന്നിരിക്കുകയാണ്. സ്വാഭാവികമായും ഈ പ്രസിദ്ധീകരണത്തിന്റെ നിലനില്പ്പിന് വായനക്കാരുടേയും സമാനമനസ്കരുടേയും സഹകരണം അനിവാര്യമാണ്. പലപ്പോഴും അതു ലഭിച്ചിട്ടുമുണ്ട്. ഈ സാഹചര്യത്തില് 2026 - 27 സാമ്പത്തിക വര്ഷത്തേക്ക് സംഭാവന എന്ന നിലയില് കഴിയുന്ന തുക അയച്ചുതന്ന് സഹകരിക്കണമെന്ന് അഭ്യര്ത്ഥിക്കുന്നു.
Scan QR Code to Pay
സംസ്ഥാനത്ത് പല ഭാഗത്തും മഴ വീണ്ടും കനത്തു. മഴ കനക്കുമെന്ന മുന്നറിയിപ്പിനെ തുടര്ന്ന് എറണാകുളം, തൃശ്ശൂര്, കോഴിക്കോട്, വയനാട്, മലപ്പുറം, കണ്ണൂര് എന്നീ ജില്ലകളിലെ വിദ്യാഭ്യാസ സ്ഥാപനങ്ങള്ക്ക് കളക്ടര്മാര് നാളെ (ആഗസ്റ്റ് 14) അവധി പ്രഖ്യാപിച്ചു. കേന്ദ്രീയ വിദ്യാലയങ്ങള്, സിബിഎസ്ഇ/ഐസിഎസ്ഇ സ്കൂളുകള് എന്നിങ്ങനെ എല്ലാ വിദ്യാഭ്യാസ സ്ഥാപനങ്ങള്ക്കും അങ്കണവാടികള്ക്കും മദ്രസകള്ക്കും അവധി ബാധകമാണ്. ചില വിദ്യാഭ്യാസ സ്ഥാപനങ്ങളില് ദുരിതാശ്വാസ ക്യാമ്പുകള് പ്രവര്ത്തിക്കുന്നത് കൂടി കണക്കിലെടുത്താണ് അവധി. നാളെ നടത്തിയിരുന്ന പിഎസ്സി വകുപ്പ് തല പരീക്ഷകള് മാറ്റി.
ബംഗാള് ഉള്ക്കടലിലെ ന്യൂനമര്ദ്ദം ശക്തമായതിനെ തുടര്ന്നാണ് മഴ കനക്കുന്നത്. ഇടുക്കി, എറണാകുളം, ആലപ്പുഴ ജില്ലകളില് 20 സെന്റീമീറ്ററിന് മുകളില് മഴ പെയ്യുമെന്നാണ് പ്രവചനം. അവിടങ്ങളില് റെഡ് അലര്ട്ടാണ്. ഒമ്പത് ജില്ലകളില് നാളെ ഓറഞ്ച് അലര്ട്ട് ആണ്. വെളളിയാഴ്ചയോടെ മഴ ദുര്ബലമാകുമെന്നാണ് പ്രതീക്ഷിക്കുന്നത്. കടലില് പോകരുതെന്ന് മത്സ്യത്തൊഴിലാളികള്ക്ക് നിര്ദ്ദേശം നല്കിയിട്ടുണ്ട്.
അതേസമയം ഡാമുകളുടെ ജലനിരപ്പ് കാര്യമായി ഉയര്ന്നിട്ടില്ല. എന്നാല് മുന്കരുതലെന്നോണം നെയ്യാര് ഡാമിന്റെ നാല് ഷട്ടറുകള് ഒരിഞ്ച് വീതം തുറന്നു. സംസ്ഥാനത്ത് രണ്ട് ലക്ഷത്തി അന്പത്തി അയ്യായിരം പേരാണ് ഇപ്പോള് ക്യാമ്പുകളില് കഴിയുന്നത്.
