ഈ വര്ഷം വരള്ച്ച രൂക്ഷമാകും.
സുഹൃത്തെ,
അരികുവല്ക്കരിക്കപ്പെടുന്നവരുടെ കൂടെ നില്ക്കുക എന്ന രാഷ്ട്രീയ നിലപാടില് നിന്ന് ആരംഭിച്ച thecritic.in പതിനാലാം വര്ഷത്തേക്ക് കടന്നിരിക്കുകയാണ്. സ്വാഭാവികമായും ഈ പ്രസിദ്ധീകരണത്തിന്റെ നിലനില്പ്പിന് വായനക്കാരുടേയും സമാനമനസ്കരുടേയും സഹകരണം അനിവാര്യമാണ്. പലപ്പോഴും അതു ലഭിച്ചിട്ടുമുണ്ട്. ഈ സാഹചര്യത്തില് 2026 - 27 സാമ്പത്തിക വര്ഷത്തേക്ക് സംഭാവന എന്ന നിലയില് കഴിയുന്ന തുക അയച്ചുതന്ന് സഹകരിക്കണമെന്ന് അഭ്യര്ത്ഥിക്കുന്നു.
Scan QR Code to Pay
സംസ്ഥാനത്ത് ഈ വര്ഷം വരള്ച്ച രൂക്ഷമാകും. വേനല് മഴയിലുണ്ടായ കുറവും പ്രളയത്തില് മേല്മണ്ണ് ഒലിച്ചുപോയതുമാണ് പ്രധാന കാരണം. മഴവെള്ളം കുത്തിയൊലിച്ച് പോയതോടെ ജലം ഊര്ന്നിറങ്ങാനുള്ള സാഹചര്യമാണ് ഇല്ലാതായത്. മുന് വര്ഷങ്ങളെ അപേക്ഷിച്ച് കുടിവെള്ളക്ഷാമവും രൂക്ഷമാകും. സിഡബ്ല്യുആര്ഡിഎം (സെന്റര് ഫോര് വാട്ടര് റിസോഴ്സ് ഡെവലപ്മെന്റ് ആന്ഡ് മാനേജ്മെന്റ്) ആണ് ഈ മുന്നറിയിപ്പുകള് നല്കിയത്. മുന് വര്ഷങ്ങളെ അപേക്ഷിച്ച് ജനുവരിയിലും ഫെബ്രുവരി ഇതുവരെയും മഴയുടെ അളവില് വലിയ കുറവാണ് വന്നിട്ടുള്ളത്. ഈ സ്ഥിതി തുടരുകയാണെങ്കില് മാര്ച്ച് മാസമാകുമ്പോഴേയ്ക്കും സംസ്ഥാനം കൊടും വരള്ച്ചയിലാകും. കിണറുകളിലെയും പുഴകളിലെയും ജലനിരപ്പ് കുത്തനെ കുറഞ്ഞു. അതേസമയം, ഫെബ്രുവരി അവസാനം വേനല്മഴയ്ക്ക് സാധ്യതയുണ്ടെന്ന് കാലാവസ്ഥ നിരീക്ഷണ കേന്ദ്രം ചൂണ്ടികാട്ടി.
