ലീഗ് സുപ്രിം കോടതിയിലേക്ക് : വടക്കുകിഴക്ക് സ്ഥിതി സ്ഫോടനാത്മകം
സുഹൃത്തെ,
അരികുവല്ക്കരിക്കപ്പെടുന്നവരുടെ കൂടെ നില്ക്കുക എന്ന രാഷ്ട്രീയ നിലപാടില് നിന്ന് ആരംഭിച്ച thecritic.in പതിനാലാം വര്ഷത്തേക്ക് കടന്നിരിക്കുകയാണ്. സ്വാഭാവികമായും ഈ പ്രസിദ്ധീകരണത്തിന്റെ നിലനില്പ്പിന് വായനക്കാരുടേയും സമാനമനസ്കരുടേയും സഹകരണം അനിവാര്യമാണ്. പലപ്പോഴും അതു ലഭിച്ചിട്ടുമുണ്ട്. ഈ സാഹചര്യത്തില് 2026 - 27 സാമ്പത്തിക വര്ഷത്തേക്ക് സംഭാവന എന്ന നിലയില് കഴിയുന്ന തുക അയച്ചുതന്ന് സഹകരിക്കണമെന്ന് അഭ്യര്ത്ഥിക്കുന്നു.
Scan QR Code to Pay
പൗരത്വ ഭേദഗതി ബില്ലിനെതിരെ മുസ്ലിം ലീഗ് സുപ്രീംകോടതിയില് ഹരജി നല്കി. മതത്തിന്റെ പേരില് മുസ്ലിം മതവിഭാഗങ്ങളെ പൗരത്വ ഭേദഗതി പട്ടികയില് നിന്ന് ഒഴിവാക്കുന്നത് ഭരണഘടനാ വിരുദ്ധമാണെന്ന് ചൂണ്ടിക്കാട്ടിയാണ് ഹരജി സമര്പ്പിച്ചത്. പാര്ലമെന്റിന്റെ ഇരുസഭകളും പാസാക്കിയ ഭേദഗതി ബില് ഭരണഘടനയുടെ 14ാം അനുച്ഛേദത്തിന്റെ ലംഘനമാണെന്ന് ഹരജിയില് പറയുന്നു. മറ്റ് മതവിഭാഗങ്ങള്ക്ക് നല്കുന്ന അവകാശം മുസ്ലിംകള്ക്ക് നിഷേധിക്കുന്നു എന്ന് ചൂണ്ടിക്കാണിച്ചാണ് ഹരജി നല്കുന്നത്.
അതിനെതിരെ പൗരത്വ നിയമഭേദഗതി ബില്ലിന് എതിരെ വടക്കു കിഴക്കന് സംസ്ഥാനങ്ങളില് പ്രതിഷേധം ആളിക്കത്തുകയാണ്. അവിടെ ജനജീവിതം സ്തംഭിച്ചിരിക്കുകയാണ്. പ്രതിഷേധങ്ങളെ നേരിടാന് അസമിലും ത്രിപുരയിലും സൈന്യം രംഗത്തിറങ്ങി. അസമില് പ്രതിഷേധക്കാര് വാഹനങ്ങള് കത്തിച്ചു. രണ്ട് റെയില്വേ സ്റ്റേഷനുകള്ക്ക് പ്രക്ഷോഭകാരികള് തീയിട്ടു. പാണിട്ടോല, ചബുവ റെയില്വേ സ്റ്റേഷനുകള്ക്കാണ് തീയിട്ടത്. സംസ്ഥാനത്ത് നിരോധനാജ്ഞ പ്രഖ്യാപിച്ചിരിക്കുകയാണ്. ഗുവാഹത്തിയില് അനിശ്ചിതകാലത്തേക്ക് കര്ഫ്യു ഏര്പ്പെടുത്തി. അസമില് പല ട്രെയിനുകളും പ്രതിഷേധക്കാര് തടഞ്ഞു. നിരവധി ട്രെയിനുകള് റദ്ദാക്കി. പലയിടത്തും മൊബൈല്, ഇന്റര്നെറ്റ് സേവനങ്ങള് റദ്ദാക്കി. ഏറെകാലമായി സജീവമല്ലാതിരുന്ന ഉള്ഫ ആസാം ബന്ദിനാഹ്വാനം ചെയ്തിട്ടുണ്ട്. ത്രിപുരയില് മൊബൈല്, ഇന്റര്നെറ്റ് സേവനങ്ങള് പുനഃസ്ഥാപിച്ചിട്ടില്ല. തലസ്ഥാനമായ അഗര്ത്തലയിലും അക്രമസംഭവങ്ങള് അരങ്ങേറി.
