ജ്ഞാനപീഠം അക്കിത്തത്തിന്
സുഹൃത്തെ,
അരികുവല്ക്കരിക്കപ്പെടുന്നവരുടെ കൂടെ നില്ക്കുക എന്ന രാഷ്ട്രീയ നിലപാടില് നിന്ന് ആരംഭിച്ച thecritic.in പതിനാലാം വര്ഷത്തേക്ക് കടന്നിരിക്കുകയാണ്. സ്വാഭാവികമായും ഈ പ്രസിദ്ധീകരണത്തിന്റെ നിലനില്പ്പിന് വായനക്കാരുടേയും സമാനമനസ്കരുടേയും സഹകരണം അനിവാര്യമാണ്. പലപ്പോഴും അതു ലഭിച്ചിട്ടുമുണ്ട്. ഈ സാഹചര്യത്തില് 2026 - 27 സാമ്പത്തിക വര്ഷത്തേക്ക് സംഭാവന എന്ന നിലയില് കഴിയുന്ന തുക അയച്ചുതന്ന് സഹകരിക്കണമെന്ന് അഭ്യര്ത്ഥിക്കുന്നു.
Scan QR Code to Pay
നിരത്തില് കാക്ക കൊത്തുന്നു
ചത്ത പെണ്ണിന്റെ കണ്ണുകള്
മുല ചപ്പി വലിക്കുന്നു
നരവര്ഗ നവാതിഥി
വെളിച്ചം ദുഃഖമാണുണ്ണി
തമസ്സല്ലോ സുഖപ്രദം
എന്ന വരികളാല് മലയാളസാഹിത്യത്തില് ചിരപ്രതിഷ്ഠ നേടിയ കവി അക്കിത്തം അച്യുതന് നമ്പൂതിരിക്ക് ജ്ഞാനപീഠ പുരസ്കാരം. മലയാളത്തിലെ ആറാമത്തെ ജ്ഞാനപീഠ പുരസ്കാര ജേതാവാണ് അക്കിത്തം. പത്മശ്രീ, എഴുത്തച്ഛന് പുരസ്കാരം, കേരള സര്ക്കാരിന്റെ പരമോന്നത സാഹിത്യ അവാര്ഡ്, കേന്ദ്ര സാഹിത്യ അക്കാദമി അവാര്ഡ്, കവിതയ്ക്കുള്ള കേരള സാഹിത്യ അക്കാദമി അവാര്ഡ്, ഓടക്കുഴല് അവാര്ഡ്, വള്ളത്തോള് പുരസ്കാരം, വയലാര് അവാര്ഡ്, ആശാന് പ്രൈസ് എന്നിവ കൂടാതെ നിരവധി ബഹുമതികള് കരസ്ഥമാക്കിയിട്ടുണ്ട്. അദ്ദേഹത്തിന്റെ ‘ഇരുപതാം നൂറ്റാണ്ടിന്റെ ഇതിഹാസം’ എന്ന ഖണ്ഡകാവ്യം മലയാള സാഹിത്യത്തിലെ ആദ്യ ലക്ഷണമൊത്ത ആധുനിക കവിതയായി കണക്കാക്കുന്നു. അമ്പതോളം പുസ്തകങ്ങള് അദ്ദേഹത്തിന്റേതായി മലയാളത്തിലുണ്ട്. ജി. ശങ്കര കുറുപ്പ് (1965), എസ്.കെ. പൊറ്റെക്കാട് (1980), തകഴി ശിവശങ്കര പിള്ള (1984), എം.ടി. വാസുദേവന് നായര് (1995), ഒ.എന്.വി. കുറുപ്പ് (2007) എന്നിവര്ക്കാണ് ഇതിനു മുന്പ് മലയാളത്തില് നിന്നും ജ്ഞാനപീഠം പുരസ്കാരം ലഭിച്ചിട്ടുള്ളത്.
