രാജ്യാന്തര ചലച്ചിത്രമേള ആരംഭിച്ചു
സുഹൃത്തെ,
അരികുവല്ക്കരിക്കപ്പെടുന്നവരുടെ കൂടെ നില്ക്കുക എന്ന രാഷ്ട്രീയ നിലപാടില് നിന്ന് ആരംഭിച്ച thecritic.in പതിനാലാം വര്ഷത്തേക്ക് കടന്നിരിക്കുകയാണ്. സ്വാഭാവികമായും ഈ പ്രസിദ്ധീകരണത്തിന്റെ നിലനില്പ്പിന് വായനക്കാരുടേയും സമാനമനസ്കരുടേയും സഹകരണം അനിവാര്യമാണ്. പലപ്പോഴും അതു ലഭിച്ചിട്ടുമുണ്ട്. ഈ സാഹചര്യത്തില് 2026 - 27 സാമ്പത്തിക വര്ഷത്തേക്ക് സംഭാവന എന്ന നിലയില് കഴിയുന്ന തുക അയച്ചുതന്ന് സഹകരിക്കണമെന്ന് അഭ്യര്ത്ഥിക്കുന്നു.
Scan QR Code to Pay
24ാമത് രാജ്യാന്തര ചലച്ചിത്രമേളയ്ക്ക് മുഖ്യമന്ത്രി പിണറായി വിജയന് തിരിതെളിയിച്ചു. സാംസ്കാരിക മന്ത്രി എ കെ ബാലന് അധ്യക്ഷത വഹിച്ച ചടങ്ങില് മന്ത്രി കടകംപള്ളി സുരേന്ദ്രന്, മന്ത്രി കടന്നപ്പള്ളി രാമചന്ദ്രന്, ജൂറി അംഗമായ ഈജിപ്ഷ്യന് സംവിധായകന് ഖൈറി ബെഷാറ, ജൂറി ചെയര്മാന് സംവിധായകന് കമല്, സംവിധായകന് ഷാജി എന് കരുണ്, മുഖ്യാതിഥി നടി ശാരദ, എംഎല്എ വി കെ പ്രശാന്ത്, മേയര് കെ ശ്രീകുമാര്, ചലച്ചിത്ര അക്കാദമി ചെയര്പേഴ്സണ് എഡിറ്റര് ബീനാ പോള്, റാണി ജോര്ജ് ഐഎഎസ്, നടി അനശ്വര രാജന്, ചലച്ചിത്രമേള സെക്രട്ടറി മഹേഷ് പഞ്ജു തുടങ്ങിയവര് പങ്കെടുത്തു. ഫെസ്റ്റിവല് ബുക്കിന്റെയും ബുള്ളറ്റിന്റെയും പ്രകാശനവും ചടങ്ങില് നടന്നു. ചലച്ചിത്ര അക്കാദമിയുടെ പുസ്തകമായ ചലച്ചിത്ര സമീക്ഷ നടി ശാരദ ഖൈറി ബെഷാറയ്ക്കു നല്കി പ്രകാശനം ചെയ്തു. മലയാള സിനിമാചരിത്രത്തെക്കുറിച്ചുള്ള ‘ഫസ്റ്റ് വോള്യം ഓഫ് ഹിസ്റ്ററി ഓഫ് മലയാളം സിനിമ’ എന്ന പുസ്തകം മുഖ്യമന്ത്രി ഷാജി എന് കരുണിനു നല്കി പ്രകാശനം നിര്വ്വഹിച്ചു. തുടര്ന്ന് ഉദ്ഘാടന ചിത്രമായ പാസ്ഡ് ബൈ സെന്സര് പ്രദര്ശിപ്പിച്ചു. .ഷെര്ഹത്ത് കരാസ് ലാന് സംവിധാനം ചെയ്ത ഈ തുര്ക്കി ചിത്രത്തിന്റെ ഇന്ത്യയിലെ ആദ്യ പ്രദര്ശനമാണിത്. 186 ചിത്രങ്ങളാണ് മേളയില് പ്രദര്ശിപ്പിക്കുന്നത്. പ്രദര്ശനങ്ങള് രാവിലെ മുതലെ ആറംഭിച്ചിരുന്നു.
