ഉമ്മന് ചാണ്ടിയും ചെന്നിത്തലയും ഉള്പ്പെട്ട ടൈറ്റാനിയം കേസ് സിബിഐക്ക്
സുഹൃത്തെ,
അരികുവല്ക്കരിക്കപ്പെടുന്നവരുടെ കൂടെ നില്ക്കുക എന്ന രാഷ്ട്രീയ നിലപാടില് നിന്ന് ആരംഭിച്ച thecritic.in പതിനാലാം വര്ഷത്തേക്ക് കടന്നിരിക്കുകയാണ്. സ്വാഭാവികമായും ഈ പ്രസിദ്ധീകരണത്തിന്റെ നിലനില്പ്പിന് വായനക്കാരുടേയും സമാനമനസ്കരുടേയും സഹകരണം അനിവാര്യമാണ്. പലപ്പോഴും അതു ലഭിച്ചിട്ടുമുണ്ട്. ഈ സാഹചര്യത്തില് 2026 - 27 സാമ്പത്തിക വര്ഷത്തേക്ക് സംഭാവന എന്ന നിലയില് കഴിയുന്ന തുക അയച്ചുതന്ന് സഹകരിക്കണമെന്ന് അഭ്യര്ത്ഥിക്കുന്നു.
Scan QR Code to Pay
ഉമ്മന് ചാണ്ടി, രമേശ് ചെന്നിത്തല, ഇബ്രാഹിം കുഞ്ഞ് എന്നിവര്ക്കെതിരെ ആരോപണമുള്ള ടൈറ്റാനിയം അഴിമതി കേസ് സിബിഐക്ക് വിട്ടു. വിജിലന്സ് ശുപാര്ശയെ തുടര്ന്നാണ് നടപടി. ഉമ്മന്ചാണ്ടി മുഖ്യമന്ത്രിയായിരുന്നപ്പോള് പൊതുമേഖലാ സ്ഥാപനമായ ടൈറ്റാനിയത്തില് മാലിന്യ സംസ്കരണ പ്ലാന്റ് സ്ഥാപിക്കുന്നതിനായി ഉപകരണങ്ങള് വാങ്ങിയതില് അഴിമതിയുണ്ടെന്നാണ് കേസ്. ഫിന്ലാന്റ് ആസ്ഥാനമായ കെമറ്റോ എക്കോ പ്ലാനിംഗ് എന്ന സ്ഥാപനത്തില് നിന്നും 260 കോടി രൂപക്ക് മാലിന്യ സംസ്കരണപ്ലാന്റിനുള്ള ഉപകരണങ്ങള് ഇറക്കുമതി ചെയ്യാന് ധാരണപത്രം ഒപ്പിട്ടിരുന്നു. 86 കോടിയുടെ ഉപകരണങ്ങള് ഇറക്കുമതി ചെയ്തെങ്കിലും ഒരു ഉപകരണം പോലും സ്ഥാപിക്കാനായില്ല. 80 കോടി നഷ്ടം സംഭവിച്ചുവെന്ന് വിജിലന്സ് കണ്ടെത്തിയിരുന്നു. വിദേശ കമ്പനി ഉള്പ്പെടുന്ന കേസായതിനാല് സിബിഐക്ക് കൈമാറണമെന്ന് സംസ്ഥാന സര്ക്കാരിനോട് വിജിലന്സ് ശുപാര്ശ ചെയ്യുകയായിരുന്നു.
