![](https://thecritic.in/wp-content/uploads/2019/09/u-n-900x450.jpg)
കശ്മീര് വിഷയത്തില് യുഎന് ഇടപെടില്ല
കശ്മീരില് നടക്കുന്നത് കടുത്ത മനുഷ്യാവകാശ ലംഘനങ്ങളാണെന്ന പാക് വാദങ്ങള്ക്ക് ഇന്നലെ യുഎന് മനുഷ്യാവകാശ കൗണ്സിലില് ഇന്ത്യ മറുപടി നല്കിയിരുന്നു.
കശ്മീര് വിഷയത്തില് അടിയന്തരമായി ഇടപെടണമെന്ന പാകിസ്ഥാന്റെ ആവശ്യവും യുഎന് നിരാകരിച്ചു. കശ്മിര് വിഷയത്തിലെ യുഎന് നിലപാടില് മാറ്റമില്ലെന്ന് യുഎന് സെക്രട്ടറി ജനറലിന്റെ വക്താവ് പ്രഖ്യാപിച്ചു. കശ്മീരില് നടക്കുന്നത് കടുത്ത മനുഷ്യാവകാശ ലംഘനങ്ങളാണെന്ന പാക് വാദങ്ങള്ക്ക് ഇന്നലെ യുഎന് മനുഷ്യാവകാശ കൗണ്സിലില് ഇന്ത്യ മറുപടി നല്കിയിരുന്നു. കശ്മീരില് ഇപ്പോള് ഏര്പ്പെടുത്തിയിരിക്കുന്ന നിയന്ത്രണങ്ങള് താല്ക്കാലികം മാത്രമാണെന്നും ഇവിടെ തെരഞ്ഞെടുപ്പ് അടക്കമുള്ള പ്രക്രിയകള് വീണ്ടും തുടങ്ങുമെന്നായിരുന്നു ഇന്ത്യയുടെ വിശദീകരണം. കശ്മീര് ഇന്ത്യയുടെ ആഭ്യന്തര വിഷയം മാത്രമാണെന്നും ഇന്ത്യ ഊന്നിപ്പറഞ്ഞിരുന്നു. അതേസമയം പ്രശ്നം എത്രയും പെട്ടെന്ന് പരിഹരിക്കണമെന്ന നിര്ദ്ദേശവും യുഎന് മുന്നോട്ട് വയ്ക്കുന്നുണ്ട്.
മറുവശത്ത് കശ്മീര് വിഷയത്തില് ഇടപെടാനുള്ള അമേരിക്കന് പ്രസിഡന്റ് ഡോണള്ഡ് ട്രംപിന്റെ അഭിപ്രായം വീണ്ടും ഇന്ത്യ തള്ളി. പാക് അധീന കശ്മീരില് വെള്ളിയാഴ്ച പ്രതിഷേധസമ്മേളനം സംഘടിപ്പിക്കുമെന്ന് ഇമ്രാന്ഖാന് പ്രഖ്യാപിച്ചു. പാക് അധീന കശ്മീരിലെ മുസഫറബാദില് വെള്ളിയാഴ്ച വന് പ്രതിഷേധറാലി നടത്തുമെന്നാണ് ഇമ്രാന്ഖാന്റെ പുതിയ പ്രഖ്യാപനം.
സുഹൃത്തെ,
അരികുവല്ക്കരിക്കപ്പെടുന്നവരുടെ കൂടെ നില്ക്കുക എന്ന രാഷ്ട്രീയ നിലപാടില് നിന്ന് ആരംഭിച്ച thecritic.in പന്ത്രണ്ടാം വര്ഷത്തേക്ക് കടക്കുകയാണ്. സ്വാഭാവികമായും ഈ പ്രസിദ്ധീകരണത്തിന്റെ നിലനില്പ്പിന് വായനക്കാരുടേയും സമാനമനസ്കരുടേയും സഹകരണം അനിവാര്യമാണ്. പലപ്പോഴും അതു ലഭിച്ചിട്ടുമുണ്ട്. ഈ സാഹചര്യത്തില് 2024 - 25 സാമ്പത്തിക വര്ഷത്തേക്ക് സംഭാവന എന്ന നിലയില് കഴിയുന്ന തുക അയച്ചുതന്ന് സഹകരിക്കണമെന്ന് അഭ്യര്ത്ഥിക്കുന്നു.
The Critic, A/C No - 020802000001158,
Indian Overseas Bank,
Thrissur - 680001, IFSC - IOBA0000208
google pay - 9447307829
സ്നേഹത്തോടെ ഐ ഗോപിനാഥ്, എഡിറ്റര്, thecritic.in