സിസ്റ്റര് ലൂസി കളപ്പുരയെ സഭ പുറത്താക്കി
കന്യാസ്ത്രീയെ പീഡിപ്പിച്ച കേസില് കുറ്റാരോപിതനായ ബിഷപ്പ് ഫ്രാങ്കോ മുളയ്ക്കലിനെതിരെ സമരം ചെയ്ത സിസ്റ്റര് ലൂസി കളപ്പുരയെ സഭയില് നിന്ന് പുറത്താക്കി. ഫ്രാന്സിസ്കന് ക്ലാരിസ്റ്റ് സന്യാസി സമൂഹത്തില് നിന്നാണ് ലൂസി കളപ്പുരയെ പുറത്താക്കിയത്.. കാനോന് നിയമപ്രകാരം കന്യാസ്ത്രീ പാലിക്കേണ്ട ചട്ടങ്ങള് ലൂസി കളപ്പുര ലംഘിച്ചതായി കാണിച്ച് സഭ നേരത്തെ നോട്ടീസ് നല്കിയിരുന്നു. കന്യാസ്ത്രീ സമരത്തില് പങ്കെടുത്തു, ദാരിദ്ര്യവ്രതം പാലിക്കാതെ സ്വന്തമായി കാര് വാങ്ങി, വസ്ത്രധാരണച്ചട്ടം ലംഘിച്ചു, അനുമതിയില്ലാതെ പുസ്തകം പ്രസിദ്ധീകരിച്ച് അനാവശ്യചെലവുണ്ടാക്കി, വിലക്ക് മറികടന്ന് മാധ്യമങ്ങള്ക്ക് അഭിമുഖം നല്കി, ശമ്പളം മഠത്തിലേക്ക് നല്കിയില്ല തുടങ്ങിയവയാണ് ഇവര്ക്കെതിരായ ആരോപണങ്ങള്. കാരണം കാണിക്കല് നോട്ടീസില് സഭയെ തൃപ്തിപ്പെടുത്തുന്ന വിശദീകരണം നല്കിയില്ല എന്നും നിരവധി തവണ താക്കീത് നല്കിയിട്ടും അവയെല്ലാം നിരസിച്ചു എന്നും പുറത്താക്കലിന് കാരണമായി സഭ പറയുന്നു.
സുഹൃത്തെ,
അരികുവല്ക്കരിക്കപ്പെടുന്നവരുടെ കൂടെ നില്ക്കുക എന്ന രാഷ്ട്രീയ നിലപാടില് നിന്ന് ആരംഭിച്ച thecritic.in പതിമൂന്നാം വര്ഷത്തേക്ക് കടന്നിരിക്കുകയാണ്. സ്വാഭാവികമായും ഈ പ്രസിദ്ധീകരണത്തിന്റെ നിലനില്പ്പിന് വായനക്കാരുടേയും സമാനമനസ്കരുടേയും സഹകരണം അനിവാര്യമാണ്. പലപ്പോഴും അതു ലഭിച്ചിട്ടുമുണ്ട്. ഈ സാഹചര്യത്തില് 2025 - 26 സാമ്പത്തിക വര്ഷത്തേക്ക് സംഭാവന എന്ന നിലയില് കഴിയുന്ന തുക അയച്ചുതന്ന് സഹകരിക്കണമെന്ന് അഭ്യര്ത്ഥിക്കുന്നു.
The Critic, A/C No - 020802000001158,
Indian Overseas Bank,
Thrissur - 680001, IFSC - IOBA0000208
google pay - 9447307829
സ്നേഹത്തോടെ ഐ ഗോപിനാഥ്, എഡിറ്റര്, thecritic.in
