![](https://thecritic.in/wp-content/uploads/2020/08/EIA.jpg)
പ്രകൃതിയെ സംരക്ഷിക്കാന് ഇനി രണ്ടുദിനം മാത്രം
നിലവില് 20,000 സ്ക്വയര്ഫീറ്റോ അതില് കൂടുതലോ ചുറ്റളവുള്ള എല്ലാ കെട്ടിടങ്ങള്ക്കും പരിസ്ഥിതി ക്ലിയറന്സിനായി അപേക്ഷിക്കേണ്ടതുണ്ട്. എന്നാല് ഇഐഎ 2020 പ്രകാരം 1,50,000 സ്ക്വയര്ഫീറ്റില് കൂടുതലുള്ള കെട്ടിടത്തിന് മാത്രം ഈ അനുമതി തേടിയാല് മതി. അതിനര്ത്ഥം ഒരു വിമാനത്താവളത്തിനത്ര വലുപ്പമുള്ള ഒരു പദ്ധതി നാട്ടില് വന്നാല് പോലും ആ പദ്ധതി പരിസ്ഥിതിക്കുണ്ടാക്കുന്ന നഷ്ടങ്ങളെ കുറിച്ചോ സമീപത്ത് താമസിക്കുന്ന മനുഷ്യ ജീവനുണ്ടാക്കുന്ന വിപത്തിനെ കുറിച്ചോ ആര്ക്കും പരാതിപ്പെടാന് സാധിക്കില്ലെന്ന് ചുരുക്കം…
എന്താണ് EIA 2020
കഴിഞ്ഞ ദിവസമാണ് Environment Impact Assessment (EIA) അഥവാ പരിസ്ഥിതി ആഘാത വിലയിരുത്തല് എന്ന കേന്ദ്രത്തിന്റെ പുതിയ ഭേദഗതിയില് പൊതുജനത്തിന് അഭിപ്രായമറിയിക്കാനുള്ള അവസാന തിയതി ഓഗസ്റ്റ് 11 വരെയാക്കി ഡല്ഹി ഹൈക്കോടതി ഉത്തരവിറക്കുന്നത്. ഇതിന് പിന്നാലെ സോഷ്യല് മീഡിയയിലും മറ്റും ഇഐഎ ഏറെ ചര്ച്ചയായി. നമ്മില് പലരും ഇതിനോടകം ഇഐഎക്ക് എതിരായ പോസ്റ്റുകള് ഫേസ്ബുക്ക്, വാട്സാപ്പ്, ഇന്സ്റ്റഗ്രാം അടക്കമുള്ള നവമാധ്യമങ്ങളില് കണ്ടിരിക്കും. എന്നാല് എന്താണ് ഇഐഎ എന്ന് ചിന്തിച്ചിട്ടുണ്ടോ ? എങ്ങനെയാണ് ഇത് നമ്മെ ബാധിക്കുക ? എന്തുകൊണ്ടാണ് ഈ ഭേദഗതിക്കെതിരെ ഇത്രയധികം പ്രതിഷേധങ്ങളുണ്ടാകുന്നത് ?
ഇഐഎ എന്താണെന്ന് അറിയാന് ആദ്യം ഇന്ത്യയിലെ പരിസ്ഥിതി നിയമത്തെ കുറിച്ച് അറിയണം…
1972ല് സ്റ്റോക്ഹോം വിജ്ഞാപനം വരുന്നതിന് ശേഷമാണ് 1974ല് ജലമലിനീകരണത്തിനും 1981ല് വായു മലിനീകരണത്തിനുമെതിരെ ഇന്ത്യയില് നിയമം വരുന്നത്. എന്നാല് 1984ല് ഭോപ്പാല് ദുരന്തമുണ്ടായതിന് പിന്നാലെയാണ് ഇന്ത്യയില് പരിസ്ഥിതി മലിനീകരണത്തിന് എതിരായ ഒരു നിയമം 1986 ല് നിലവില് വരുന്നത്.
ഈ നിയമത്തിന് കീഴില് 1994 ലാണ് ആദ്യമായി ഇന്ത്യ ഇഐഎ കൊണ്ടുവരുന്നത്. എല്ലാ പദ്ധതികളും ഇഐഎയ്ക്ക് അനുസൃതമായി വേണം ആരംഭിക്കാന്. എന്വയോണ്മെന്റല് ക്ലിയറന്സ് ലഭിച്ച ശേഷം മാത്രമേ പദ്ധതിക്ക് അനുമതി ലഭിക്കുകയുള്ളു. 1994ലെ ഇഐഎയ്ക്ക് പിന്നീട് 2006ല് ഭേദഗതി വന്നു.
നിലവിലെ EIA വിവാദം എന്ത് ? നമ്മെ ബാധിക്കുന്നതെങ്ങനെ ?
ഇനി ഒരു സ്ഥാപനം തുടങ്ങാന് പരിസ്ഥിതി മന്ത്രാലയത്തിന്റെ അനുമതി ആവശ്യമില്ല. ഒരു കമ്പനി ആരംഭിക്കുന്നതിന് മുമ്പ് പരിസ്ഥിതി മന്ത്രാലയം പദ്ധതി പരിശോധിക്കും. പദ്ധതി പ്രകാരം അടുത്ത് തീമസിക്കുന്ന മനുഷ്യര്, കമ്പനി കൊണ്ട് പരിസ്ഥിതിക്ക് ഉണ്ടാകുന്ന ആഘാതങ്ങള് എന്നിവ പഠിച്ച ശേഷം മാത്രമേ എന്വയോണ്മെന്റ് ക്ലിയറന്സ് നല്കുകയുള്ളു. എന്നാല് 2020 ല് ഇഐഎയ്ക്ക് കൊണ്ടുവരുന്ന ഭേദഗതി പ്രകാരം കമ്പനി ആരംഭിച്ച് കഴിഞ്ഞ ശേഷം എന്വയോണ്മെന്റ് ക്ലിയറന്സിന് അപേക്ഷിച്ചാല് മതി. ഇത് വരുത്തിവയ്ക്കുന്ന അപകടത്തിന് ഉദാഹരണമാണ് വിശാഖപട്ടണത്തെ വിഷവാതക ദുരന്തം. വിശാഖപട്ടണത്തെ എല്ജി പോളിമറിന് എന്വയോണ്മെന്റ് ക്ലിയറന്സ് ലഭിച്ചിരുന്നില്ല. അതായത് കണ്മുന്നില് നമ്മുടെ പുഴകളും വായുവുമെല്ലാം മലിനമാകുന്നത് കണ്ടാലും നമുക്ക് പരാതിപ്പെടാന് സാധിക്കില്ല.
കെട്ടിടത്തിന്റെ ചുറ്റളവ്
നിലവില് 20,000 സ്ക്വയര്ഫീറ്റോ അതില് കൂടുതലോ ചുറ്റളവുള്ള എല്ലാ കെട്ടിടങ്ങള്ക്കും പരിസ്ഥിതി ക്ലിയറന്സിനായി അപേക്ഷിക്കേണ്ടതുണ്ട്. എന്നാല് ഇഐഎ 2020 പ്രകാരം 1,50,000 സ്ക്വയര്ഫീറ്റില് കൂടുതലുള്ള കെട്ടിടത്തിന് മാത്രം ഈ അനുമതി തേടിയാല് മതി. അതിനര്ത്ഥം ഒരു വിമാനത്താവളത്തിനത്ര വലുപ്പമുള്ള ഒരു പദ്ധതി നാട്ടില് വന്നാല് പോലും ആ പദ്ധതി
പരിസ്ഥിതിക്കുണ്ടാക്കുന്ന നഷ്ടങ്ങളെ കുറിച്ചോ സമീപത്ത് താമസിക്കുന്ന മനുഷ്യ ജീവനുണ്ടാക്കുന്ന വിപത്തിനെ കുറിച്ചോ ആര്ക്കും പരാതിപ്പെടാന് സാധിക്കില്ലെന്ന് ചുരുക്കം…
പ്രവര്ത്തനം ഇരട്ടിയാക്കിയാലും ക്ലിയറന്സ് വേണ്ട
നിലവില് പ്രവര്ത്തിച്ചുകൊണ്ടിരിക്കുന്ന ഒരു കമ്പനി 50 ശതമാനത്തോളം പ്രവര്ത്തനം ഇരട്ടിയാക്കിയാലും പരിസ്ഥിതി മന്ത്രാലയത്തിന്റെ ക്ലിയറന്സ് ആവശ്യമില്ലാതാകുന്നു. കമ്പനി എത്ര നാശനഷ്ടങ്ങള് വരുത്തിയാലും ഇത് ബാധകമല്ല.
ബി 2 വിഭാഗം….
ഇഐഎ 2020ല് പുതുതായി ബി 2 എന്നൊരു വിഭാഗം ഉള്പ്പെടുത്തിയിട്ടുണ്ട്. ഇതില് നാല്പ്പതിലേറെ പദ്ധതികളാണ് ഉള്പ്പെടുത്തിയിരിക്കുന്നത്. ഈ പദ്ധതികള്ക്കൊന്നും ക്ലിയറന്സ് ആവശ്യമില്ല. ഈ കമ്പനികള് എങ്ങനെയാണ് നമുക്ക് വിനയാകുന്നത് എന്നതിന് ഉദാഹരണമാണ് മെയ് 27ന് ഉണ്ടായ അസം ദുരന്തം. കഴിഞ്ഞ 15 വര്ഷമായി പരിസ്ഥിതി മന്ത്രാലയത്തിന്റെ ക്ലിയറന്സ് ലഭിക്കാതെയാണ് അസമിലെ ഓയില് ഇന്ത്യ ലിമിറ്റഡ് പ്ലാന്റ് പ്രവര്ത്തിച്ചിരുന്നത്. ഇവിടെയുണ്ടായ തീപിടുത്തത്തില് 13,000 കുടുംബംഗങ്ങളെയാണ് മാറ്റി പാര്പ്പിക്കേണ്ടി വന്നത്.
പ്രതികരിക്കാനുള്ള സമയക്കുറവ്…
നേരത്തെ ഒരു പദ്ധതിയെ കുറിച്ചുള്ള പൊതുജനങ്ങളുടെ ആശങ്കകള് തുറന്ന ചര്ച്ചയ്ക്ക് വയ്ക്കുകയും (പബ്ലിക് ഹിയറിംഗ്) ഇതിന് 30 ദിവസം നല്കുകയും ചെയ്യുമായിരുന്നു. ഈ സമയം 20 ദിവസമാക്കി വെട്ടിചുരുക്കിയിരിക്കുകയാണ്. മാത്രമല്ല വീഡിയോ കോണ്ഫറന്സ് വഴി പബ്ലിക് ഹിയറിംഗ് നടത്താമെന്നും തീരുമാനിച്ചതായാണ് റിപ്പോര്ട്ട്. പലപ്പോഴും വന്കിട പദ്ധതികളില് ബലിയാടാകുന്നത് തികച്ചും താഴെക്കിടയില് ജീവിക്കുന്ന കാടിന്റെയും കടലിന്റെയും മക്കളാണ്. ഒരു പദ്ധതിയെ കുറിച്ച് പഠിച്ച് വിദഗ്ധമായി അഭിപ്രായം രേഖപ്പെടുത്താനോ വിദഗ്ധരുടെ സഹായം തേടാനോ അവര്ക്ക് സാധിക്കില്ല. അനുവദിച്ച സമയം കൂടി വെട്ടിച്ചുരുക്കുന്നത് പൊതുജനത്തെ പൂര്ണമായും അകറ്റി നിര്ത്തുന്നതിന് തുല്യമാകും.
നമുക്ക് എന്ത് ചെയ്യാനാകും ?
ഇത് നമ്മെ മാത്രം ബാധിക്കുന്ന വിഷയമല്ല. വരും തലമുറകളെ ഒന്നടങ്കം നശിപ്പിക്കുന്ന ഒരു ഭേദഗതിയാണ്. ഇതുവരെ ഇഐഎ നിയമമായിട്ടില്ല. കരട് മാത്രമേ തയാറായിട്ടുള്ളു. ഈ ഭേദഗതിക്കെതിരായ ആശങ്കകളും പ്രതിഷേധവും ഓഗസ്റ്റ് 11 വരെ നമുക്ക് അറിയിക്കാന് സാധിക്കും. ഇതിനായി താഴെ കൊടുത്തിരിക്കുന്ന മെയില് ഐഡിയില് ക്ലിക്ക് ചെയ്യുക
https://environmentnetworkindia.github.io/
ഓര്ക്കുക….പരിസ്ഥിതിയില്ലെങ്കില് നമ്മളില്ല
സുഹൃത്തെ,
അരികുവല്ക്കരിക്കപ്പെടുന്നവരുടെ കൂടെ നില്ക്കുക എന്ന രാഷ്ട്രീയ നിലപാടില് നിന്ന് ആരംഭിച്ച thecritic.in പന്ത്രണ്ടാം വര്ഷത്തേക്ക് കടക്കുകയാണ്. സ്വാഭാവികമായും ഈ പ്രസിദ്ധീകരണത്തിന്റെ നിലനില്പ്പിന് വായനക്കാരുടേയും സമാനമനസ്കരുടേയും സഹകരണം അനിവാര്യമാണ്. പലപ്പോഴും അതു ലഭിച്ചിട്ടുമുണ്ട്. ഈ സാഹചര്യത്തില് 2024 - 25 സാമ്പത്തിക വര്ഷത്തേക്ക് സംഭാവന എന്ന നിലയില് കഴിയുന്ന തുക അയച്ചുതന്ന് സഹകരിക്കണമെന്ന് അഭ്യര്ത്ഥിക്കുന്നു.
The Critic, A/C No - 020802000001158,
Indian Overseas Bank,
Thrissur - 680001, IFSC - IOBA0000208
google pay - 9447307829
സ്നേഹത്തോടെ ഐ ഗോപിനാഥ്, എഡിറ്റര്, thecritic.in