![](https://thecritic.in/wp-content/uploads/2017/06/ddd.jpg)
ഹിന്ദുവിന്റെ ശത്രുക്കള് ഇന്ത്യ വിടുക !!!
എം.ഗോപകുമാര് നൂറ്റാണ്ടുകളായി ഇന്ത്യയിലെ ഹിന്ദു സമൂഹത്തെ സാമൂഹ്യമായും സാമ്പത്തികമായും ചൂഷണം ചെയ്യുന്നര് ഇന്ത്യ വിടുക തന്നെ വേണം. കാരണം അവര് ഹിന്ദുവിന്റെയും ഇന്ത്യയുടേയും ശത്രുക്കളാണ്. ആരാണ് ഹിന്ദുക്കളുടെ ശത്രുക്കള്..? ആരാണ് നിങ്ങള്ക്ക് പൊതുവഴിയിലൂടെയുള്ള സഞ്ചാര സ്വാതന്ത്ര്യം നിഷേധിച്ചത്.? മുസല്മാനൊ ക്രിസ്ത്യാനിയൊ..? ആരാണ് ക്ഷേത്രങ്ങള്ക്ക് മുന്നില് ‘അയിത്ത ജാതിക്കാര്ക്ക് പ്രവേശനമില്ല’ എന്ന ബോര്ഡ് വെച്ച് നിങ്ങളെ ക്ഷേത്രത്തിനകത്തേക്ക് കയറ്റാതിരുന്നത്.? മുസല്മാനൊ ക്രിസ്ത്യാനിയൊ.? നിങ്ങളുടെ വീട്ടിലൊരാള് മരിച്ചാല് ശവം മറവു ചെയ്യാന് പോലും ഒരു തുണ്ട് ഭൂമി പോലുമില്ലാത്തവനായി നിങ്ങളെ […]
എം.ഗോപകുമാര്
നൂറ്റാണ്ടുകളായി ഇന്ത്യയിലെ ഹിന്ദു സമൂഹത്തെ സാമൂഹ്യമായും സാമ്പത്തികമായും ചൂഷണം ചെയ്യുന്നര് ഇന്ത്യ വിടുക തന്നെ വേണം. കാരണം അവര് ഹിന്ദുവിന്റെയും ഇന്ത്യയുടേയും ശത്രുക്കളാണ്.
ആരാണ് ഹിന്ദുക്കളുടെ ശത്രുക്കള്..?
ആരാണ് നിങ്ങള്ക്ക് പൊതുവഴിയിലൂടെയുള്ള സഞ്ചാര സ്വാതന്ത്ര്യം നിഷേധിച്ചത്.?
മുസല്മാനൊ ക്രിസ്ത്യാനിയൊ..?
ആരാണ് ക്ഷേത്രങ്ങള്ക്ക് മുന്നില് ‘അയിത്ത ജാതിക്കാര്ക്ക് പ്രവേശനമില്ല’ എന്ന ബോര്ഡ് വെച്ച് നിങ്ങളെ ക്ഷേത്രത്തിനകത്തേക്ക് കയറ്റാതിരുന്നത്.?
മുസല്മാനൊ ക്രിസ്ത്യാനിയൊ.?
നിങ്ങളുടെ വീട്ടിലൊരാള് മരിച്ചാല് ശവം മറവു ചെയ്യാന് പോലും ഒരു തുണ്ട് ഭൂമി പോലുമില്ലാത്തവനായി നിങ്ങളെ മാറ്റിയത് ആരാണ്.?
മുസല്മാനൊ ക്രിസ്ത്യാനിയൊ..?
പകലന്തിയോളം തമ്പ്രാന്റെ പാടത്തും പറമ്പിലും ഇരുകാലി മൃഗങ്ങളെപ്പോലെ പണിയെടുത്താലും കൂലി ചോദിക്കാന് പോലും അര്ഹതയില്ലാത്തവനായി നിങ്ങളെ അടിമയാക്കി വെച്ചിരുന്നത് ആരാണ്.?
മുസല്മാനോ ക്രിസ്ത്യാനിയൊ.?
നിങ്ങള്ക്ക് മക്കള് ജനിച്ചാല് അവര്ക്ക് തമ്പ്രാന് പറയുന്ന ചങ്കരന്, പാക്കരന്, ചേന്ദന്, കോരന്, നീലി, കാളി എന്ന പേരുകള് ഇടണമെന്നും നല്ല പേരുകള് തമ്പ്രാന്റെ മക്കള്ക്ക് എന്ന തിട്ടൂരം നടപ്പിലാക്കിയത് ആരാണ്.?
മുസല്മാനൊ ക്രിസ്ത്യാനിയൊ.?
നിങ്ങളുടെ ഭാര്യ പ്രസവിച്ചാല് അടിയന്റെ പെണ്ണ് പെറ്റുവെന്നും, തമ്പ്രാന്റെയും മറ്റ് ഉയര്ന്നവരുടേയും ഭാര്യമാര് കുട്ടിക്ക് ജന്മം നല്കിയാല് പ്രസവിച്ചു, തിരുവയറൊഴിഞ്ഞുവെന്നും
നിങ്ങളുടെ വീട്ടിലൊരാള് മരിച്ചാല് അത് ചത്തുവെന്നും തമ്പ്രാന്റെയൊ മറ്റുള്ളവരുടെയൊ വീട്ടില് മരണം നടന്നാല് മരിച്ചു, നിര്യാതനായി, അന്തരിച്ചു, തീപെട്ടു, ദിവംഗതനായി, നാടുനീങ്ങി എന്നും..
നിങ്ങള് താമസിക്കുന്ന വീടുകള്ക്ക് ചെറ്റകള് താമസിക്കുന്ന പുരയെന്ന ചെറ്റപുര, കൂര, മാടം എന്നും മറ്റുള്ളവരുടെത് നാലുകെട്ട് എട്ടുകെട്ട്, മന, കൊട്ടാരം എന്നൊക്കെയുള്ള, സംസ്കാരത്തിലും ഭാഷയിലും പോലും കടുത്ത അനീതി നടപ്പിലാക്കിയത് ആരാണ്.?
മുസല്മാനൊ ക്രിസ്ത്യാനിയൊ.?
നിങ്ങള്ക്കും നിങ്ങളുടെ മക്കള്ക്കും അക്ഷരം നിഷേധിച്ചത് ആരാണ്.?
മുസല്മാനൊ ക്രിസ്ത്യാനിയൊ.?
മൂത്ത നമ്പൂരിക്ക് മാത്രം വിവാഹം ബാക്കിയുള്ളവരുടെ കാമപൂര്ത്തീകരണം ശൂദ്രരായ നായര് സ്ത്രീകളില് നടത്തുകയെന്ന സംബന്ധമെന്ന അനാചാരത്തിലൂടെ നായര് വീടുകളെ നമ്പൂരിമാര്ക്ക് കാമദാഹം തീര്ക്കാനുള്ള സംബന്ധ പുരകളാക്കിയത് ആരാണ്.?
മുസല്മാനൊ ക്രിസ്ത്യാനിയോ.?
അങ്ങിനെയങ്ങിനെ എണ്ണിയാലൊടുങ്ങാത്ത കടുത്ത ചൂഷണവും അനീതിയും മനുഷ്യാവകാശ ലംഘനങ്ങളും പൗര സ്വാതന്ത്യവുമെല്ലാം നിഷേധിച്ച് ജന്മിത്വത്തിന്റെയും, നാടുവാഴിത്തത്തിന്റെയും രാജഭരണത്തിന്റെയും കാല് കീഴിലിട്ട് സമൂഹത്തിന്റെ പിന്നാംപുറങ്ങളില് പുഴുക്കളെ പോലെ നിങ്ങളെ ചവിട്ടിയരച്ചിരുന്നത് ആരാണ്.?
മുസല്മാനൊ ക്രിസ്ത്യാനിയൊ..?
നിങ്ങളൊ നിങ്ങളുടെ പൂര്വ്വികരൊ ഈ ജന്മത്തിലൊ കഴിഞ്ഞ ജന്മത്തിലൊ ചെയ്ത പാപത്തിന്റെ ഫലമാണ്, ഈ ജന്മത്തിലെ നിങ്ങളൂടെ കഷ്ടതയുടേയും കഷ്ടപാടിന്റെയും അടിമത്വത്തിന്റെയും ദുര്യോഗത്തിന്റെയും കാരണമെന്നും ഇതെല്ലാം ദൈവഹിതമാണെന്നും ഇതിനെയെല്ലാം ചോദ്യം ചെയ്യുന്നത് ദൈവ നിഷേധമാണെന്നും ദൈവ നിഷേധം നടത്തിയാല് ദൈവ കോപമുണ്ടാകുമെന്നും, ദൈവ കോപമുണ്ടായാല് അത് നിന്നെയും നിന്റെ സന്തതി പരമ്പരകളേയും വിടാതെ പിന്തുടരുമെന്ന ഒരു മത സംഹിതയുണ്ടാക്കി, നിങ്ങളേയും നിങ്ങളുടെ വര്ഗ്ഗത്തേയും കാലങ്ങളോളം ചൂഷണം ചെയ്തത് ആരാണ്.?
മുസല്മാനൊ ക്രിസ്ത്യാനിയൊ.?
ആരാണ് ഹിന്ദുവിന്റെ ശത്രുക്കള്.?
ആരാണ് നിന്റെ ശത്രുക്കള്.?
ആരാണ് ഇന്ത്യ വിടേണ്ടത്.?
കേരളത്തില് ഉയര്ന്നു വന്ന നവോത്ഥാന പോരാട്ടങ്ങളുടെ ഫലമായി ഇന്നീ ചൂഷണം ചരിത്രത്തിന്റെ ചവറ്റു കുട്ടയിലേക്ക് വലിച്ചെറിഞ്ഞുവെന്നത് യാഥാര്ത്ഥ്യമാണ്..
പക്ഷെ ഇന്നും കേരളമൊഴിച്ചുള്ള മറ്റ് ഇന്ത്യന് സംസ്ഥാനങ്ങളില് കഴിഞ്ഞ കാലങ്ങളില് കേരളത്തില് നടന്നതിനേക്കാള് ക്രൂരമായ പീഢനങ്ങളാണ് പിന്നോക്ക ദളിത് ആദിവാസികള്ക്കെതിരെ നടക്കുന്നത്, നടത്തുന്നത്.
അതിന്റെ നടത്തിപ്പുകാര് ഇന്നത്തെ ഇന്ത്യന് ഭരണകൂടവും അതിന്റെ പ്രത്യേയ ശാസ്ത്രവുമാണ്..
ഈ ഇന്ത്യന് യാഥാര്ത്ഥ്യം തിരിച്ചറിഞ്ഞ് ഉറക്കെ പറയുക..
ഹിന്ദുവിന്റെ ശത്രുക്കള് ഇന്ത്യ വിടുക..!!!
(വാട്സ് ആപ്)
സുഹൃത്തെ,
അരികുവല്ക്കരിക്കപ്പെടുന്നവരുടെ കൂടെ നില്ക്കുക എന്ന രാഷ്ട്രീയ നിലപാടില് നിന്ന് ആരംഭിച്ച thecritic.in പന്ത്രണ്ടാം വര്ഷത്തേക്ക് കടക്കുകയാണ്. സ്വാഭാവികമായും ഈ പ്രസിദ്ധീകരണത്തിന്റെ നിലനില്പ്പിന് വായനക്കാരുടേയും സമാനമനസ്കരുടേയും സഹകരണം അനിവാര്യമാണ്. പലപ്പോഴും അതു ലഭിച്ചിട്ടുമുണ്ട്. ഈ സാഹചര്യത്തില് 2024 - 25 സാമ്പത്തിക വര്ഷത്തേക്ക് സംഭാവന എന്ന നിലയില് കഴിയുന്ന തുക അയച്ചുതന്ന് സഹകരിക്കണമെന്ന് അഭ്യര്ത്ഥിക്കുന്നു.
The Critic, A/C No - 020802000001158,
Indian Overseas Bank,
Thrissur - 680001, IFSC - IOBA0000208
google pay - 9447307829
സ്നേഹത്തോടെ ഐ ഗോപിനാഥ്, എഡിറ്റര്, thecritic.in