![](https://thecritic.in/wp-content/uploads/2019/09/pp-1-900x504.jpg)
അമിത്ഷാക്കെതിരെ മുഖ്യമന്ത്രിയും പ്രതിപക്ഷനേതാവും, പിന്തുണച്ച് ഗവണ്ണര്
ജനങ്ങള് നേരിടുന്ന സുപ്രധാന പ്രശ്നങ്ങളില് നിന്ന് ശ്രദ്ധ തിരിച്ചുവിടാനുള്ള നീക്കമാണ് സംഘപരിവാര് നടത്തുന്നതെന്നും മുഖ്യമന്ത്രി ആരോപിച്ചു.
ഒരു രാജ്യം, ഒരു ഭാഷ എന്ന കേന്ദ്ര ആഭ്യന്തരമന്ത്രി അമിത് ഷായുടെ നിലപാടിനെതിരെ മുഖ്യമന്ത്രി പിണറായി വിജയനും പ്രതിപക്ഷ നേതാവും രംഗത്ത്. ഭാഷയുടെ പേരില് സംഘപരിവാര് പുതിയ സംഘര്ഷ വേദി തുറക്കുകയാണെന്ന് മുഖ്യമന്ത്രി പിണരായി വിജയന് ഫേസ്ബുക്കില് കുറിച്ചു ഹിന്ദി രാഷ്ട്രഭാഷയായി അംഗീകരിക്കപ്പെട്ടിട്ടുണ്ട്.ഭാഷയുടെ പേരില് രാജ്യത്ത് പറയത്തക്ക തര്ക്കങ്ങളില്ല. ഹിന്ദി സംസാരിക്കാത്തതുകൊണ്ട് താന് ഇന്ത്യക്കാരനല്ല എന്ന് ഒരു ഇന്ത്യന് പൗരനും തോന്നേണ്ട സാഹചര്യവുമില്ല. രാജ്യത്തെ ഒരുമിപ്പിച്ച് നിര്ത്താനാകുക ഹിന്ദിക്കാണെന്ന ധാരണ ശുദ്ധ ഭോഷ്കാണ്. ഹൃദയവികാരത്തിന് നേരെയുള്ള യുദ്ധപ്രഖ്യാപനമാണ്. ജനങ്ങള് നേരിടുന്ന സുപ്രധാന പ്രശ്നങ്ങളില് നിന്ന് ശ്രദ്ധ തിരിച്ചുവിടാനുള്ള നീക്കമാണ് സംഘപരിവാര് നടത്തുന്നതെന്നും മുഖ്യമന്ത്രി ആരോപിച്ചു.
ഭാഷാടിസ്ഥാനത്തില് രാജ്യത്തെ വിഭജിക്കാനാണ് ബിജെപി ശ്രമിക്കുന്നതെന്ന് പ്രതിപക്ഷ നേതാവ് രമേശ് ചെന്നിത്തല പറഞ്ഞു. വിഭജനത്തിന്റെയും വേര്തിരിവിന്റെയും സംഘപരിവാര് അജണ്ടയാണ് ഇതിലൂടെ പുറത്തുവരുന്നത്. എന്നാല് അമിത് ഷായുടെ പരാമര്ശത്തെ പിന്തുണച്ച് കേരള ഗവര്ണര് ആരിഫ് മുഹമ്മദ് ഖാന് രംഗത്തെത്തി. ഒരു ഭാഷ ജനങ്ങളെ ഒന്നിപ്പിക്കുമെന്ന് അദ്ദേഹം ട്വീറ്റ് ചെയ്തു.
സുഹൃത്തെ,
അരികുവല്ക്കരിക്കപ്പെടുന്നവരുടെ കൂടെ നില്ക്കുക എന്ന രാഷ്ട്രീയ നിലപാടില് നിന്ന് ആരംഭിച്ച thecritic.in പന്ത്രണ്ടാം വര്ഷത്തേക്ക് കടക്കുകയാണ്. സ്വാഭാവികമായും ഈ പ്രസിദ്ധീകരണത്തിന്റെ നിലനില്പ്പിന് വായനക്കാരുടേയും സമാനമനസ്കരുടേയും സഹകരണം അനിവാര്യമാണ്. പലപ്പോഴും അതു ലഭിച്ചിട്ടുമുണ്ട്. ഈ സാഹചര്യത്തില് 2024 - 25 സാമ്പത്തിക വര്ഷത്തേക്ക് സംഭാവന എന്ന നിലയില് കഴിയുന്ന തുക അയച്ചുതന്ന് സഹകരിക്കണമെന്ന് അഭ്യര്ത്ഥിക്കുന്നു.
The Critic, A/C No - 020802000001158,
Indian Overseas Bank,
Thrissur - 680001, IFSC - IOBA0000208
google pay - 9447307829
സ്നേഹത്തോടെ ഐ ഗോപിനാഥ്, എഡിറ്റര്, thecritic.in
Basheer
September 17, 2019 at 7:03 am
കേന്ദ്ര സര്ക്കാര് പറയുന്നു . . ഹിന്ദി പഠിക്കൂ. . .ഞാനും പറയുന്നു ഹിന്ദി പഠിക്കൂ. . ഞാന് നാളെ മുതല് ഹിന്ദി പഠിക്കാന് തീരുമാനിച്ചു. . .
മെ കര്ത്താവായി വന്നാല് ഹും ചേര്ക്കണം. . .
അങ്ങിനെ ഞാനും തുടങ്ങി. . .