ബൈജു രവീന്ദ്രന്‍ ഫോബ്‌സ് സമ്പന്ന പട്ടികയില്‍
സുഹൃത്തെ,
അരികുവല്‍ക്കരിക്കപ്പെടുന്നവരുടെ കൂടെ നില്‍ക്കുക എന്ന രാഷ്ട്രീയ നിലപാടില്‍ നിന്ന് ആരംഭിച്ച thecritic.in പതിമൂന്നാം വര്‍ഷത്തേക്ക് കടന്നിരിക്കുകയാണ്. സ്വാഭാവികമായും ഈ പ്രസിദ്ധീകരണത്തിന്റെ നിലനില്‍പ്പിന് വായനക്കാരുടേയും സമാനമനസ്‌കരുടേയും സഹകരണം അനിവാര്യമാണ്. പലപ്പോഴും അതു ലഭിച്ചിട്ടുമുണ്ട്. ഈ സാഹചര്യത്തില്‍ 2025 - 26 സാമ്പത്തിക വര്‍ഷത്തേക്ക് സംഭാവന എന്ന നിലയില്‍ കഴിയുന്ന തുക അയച്ചുതന്ന് സഹകരിക്കണമെന്ന് അഭ്യര്‍ത്ഥിക്കുന്നു.
The Critic, A/C No - 020802000001158,
Indian Overseas Bank,
Thrissur - 680001, IFSC - IOBA0000208
google pay - 9447307829
സ്നേഹത്തോടെ ഐ ഗോപിനാഥ്, എഡിറ്റര്‍, thecritic.in
ഇന്ത്യയിലെ ഏറ്റവും സമ്പന്നരായ നൂറു വ്യക്തികളുടെ ഫോബ്‌സ് പട്ടികയില്‍ ബൈജൂസ് ആപ് സ്ഥാപകനും സി.ഇ. ഒയുമായ ബൈജു രവീന്ദ്രനും. 1.91 ബില്യന്‍ ഡോളറാണ് ഈ 38 കാരന്റെ ആസ്തി. ഇന്ത്യയിലെ 72-ാമത്തെ ധനികനാണ് ബൈജു രവീന്ദ്രന്‍. മലയാളി യുവ സംരംഭകരില്‍ സമ്പത്തില്‍ രണ്ടാമത് വിപിഎസ് ഹെല്‍ത്ത്‌കെയര്‍ ചെയര്‍മാനും മാനേജിംഗ് ഡയറക്ടറുമായ ഡോ.ഷംഷീര്‍ വയലിലാണ്. 1.41 ബില്യന്‍ ഡോളറാണ് അദ്ദേഹത്തിന്റെ ആസ്തി. 42 വയസുള്ള ഡോ. ഷംഷീര്‍ വയലില്‍ പട്ടികയില്‍ 99-ാം സ്ഥാനത്താണ്. ഏറ്റവും സമ്പന്നനായ മലയാളി ലുലു ഗ്രൂപ്പ് സ്ഥാപകനും ചെയര്‍മാനുമായ എം.എ യൂസഫലിയാണ്. 4.3 ബില്യന്‍ ഡോളറാണ് അദ്ദേഹത്തിന്റെ ആസ്തി. സമ്പന്നരുടെ പട്ടികയില്‍ ഇടം നേടിയ മറ്റു മലയാളികള്‍: ആര്‍.പി ഗ്രൂപ്പ് ഉടമ രവി പിള്ള- ആസ്തി 3.1 ബില്യന്‍ ഡോളര്‍ (43ാം സ്ഥാനം), മുത്തൂറ്റ് ഫിനാന്‍സ് ഉടമ എം.ജി ജോര്‍ജ് മുത്തൂറ്റ്-3.05 ബില്യണ്‍ (44), ഇന്‍ഫോസിസ് മുന്‍ വൈസ് ചെയര്‍മാനും ആക്‌സിലര്‍ വെഞ്ചേഴ്സ് ചെയര്‍മാന്‍ ക്രിസ് ഗോപാലകൃഷ്ണന്‍- 2.36 ബില്യന്‍ (55), ജെംസ് എഡ്യൂക്കേഷന്‍ ഉടമ സണ്ണി വര്‍ക്കി- 2.05 ബില്യന്‍ (67), എസ് ഡി ഷിബുലാല്‍- 1.4 ബില്യണ്‍ (100). പട്ടികയില്‍ 12-ാം വര്‍ഷവും ഒന്നാമന്‍ മുകേഷ് അംബാനി തന്നെ. 51.4 ബില്യന്‍ ഡോളറാണ് അദ്ദേഹത്തിന്റെ വരുമാനം. ജിയോയുടെ വളര്‍ച്ചയാണ് ഇക്കുറി വരുമാന വര്‍ദ്ധനക്ക് പ്രധാന കാരണം. എട്ടുസ്ഥാനം മെച്ചപ്പെടുത്തി രണ്ടാം സ്ഥാനത്തെത്തിയ അദാനിയുടെ വരുമാനം 15.7 മില്യന്‍ ഡോളറാണ്.
