കാര്‍ഷിക ചരക്കുപ്പാദനത്തിന്റെ സാമ്പത്തിക ശാസ്ത്രം ആവശ്യപ്പെട്ടത്, കൈകാര്യം ചെയ്യാന്‍ പാകത്തില്‍ മണ്ണിനെയും വിളകളെയും ക്രമീകരിച്ച് കൃഷിയിടത്തിലെ അടക്കി ഭരണമാണ്. അവിടെ ആധുനിക വ്യാവസായശാലയുടെ അതേ ചിട്ടവട്ടങ്ങളാണ് അനുവര്‍ത്തിക്കുന്നത്. ചരാചര പ്രകൃതിയുടെ സങ്കീര്‍ണ്ണബന്ധങ്ങളാല്‍ മുള പൊട്ടി വളര്‍ന്ന് ഇലയും പൂവും കായുമായി മാറുന്ന കാര്‍ഷിക പ്രപഞ്ചത്തെ യന്ത്രവ്യവസായത്തിന്റെ അതേ മാനദണ്ഡങ്ങള്‍ വെച്ച് ക്രമപ്പെടുത്തുമ്പോള്‍ വരുന്ന വിപത്തുകളെ കുറിച്ച് അന്നേ മുന്നറിയിപ്പ് നല്‍കിയ ആളാണ് ആല്‍ബര്‍ട്ട് ഹോവാഡ്.