കാശ്മീരും സംഘപരിവാര്‍ രാഷ്ട്രീയത്തിന്റെ കാണാപ്പുറങ്ങളും – ഭാഗം ഒന്ന്
ഇന്ത്യന്‍ ഭരണഘടനയുടെ 370-ാം വകുപ്പിനെക്കൂടാതെ കശ്മീരിന്റെ പ്രത്യേക പദവി ഇന്ത്യയില്‍ സംരക്ഷിച്ച്‌നിര്‍ത്തുന്നതിന് ഭരണഘടന ഉറപ്പ്‌നല്‍കുന്ന മറ്റൊരു വകുപ്പാണ് 35-A. ഈ വകുപ്പനുസരിച്ച് ജമ്മു- കശ്മീര്‍ സംസ്ഥാനത്തിന് പുറത്തുള്ളവര്‍ക്ക് സംസ്ഥാനത്തു
സ്ഥിരതാമസമാക്കാനോ, വസ്തുവകകള്‍ സ്വന്തമാക്കാനോ സാധിക്കില്ല എന്ന് വ്യവസ്ഥ ചെയ്തിരുന്നു. ഇതുപക്ഷേ ഇന്ത്യന്‍ ഭരണഘടന ജമ്മു – കശ്മീരിന് മാത്രമായി നല്‍കിയിട്ടുള്ള സംരക്ഷണമല്ല. ഇന്ത്യയിലെ മറ്റ് പല സംസ്ഥാനങ്ങളും ഭരണഘടന ജമ്മു-കശ്മീരിന് ഉറപ്പ് നല്‍കിയിട്ടുള്ള ഈ അവകാശം അനുഭവിക്കുന്നുണ്ട്. വടക്ക്-കിഴക്കന്‍ സംസ്ഥാനങ്ങളായ ആസ്സാമും, നാഗാലാന്‍ഡും ഇതിന് ഉദാഹരണങ്ങളാണ്. മറ്റുപല സംസ്ഥാനങ്ങള്‍ക്കും ലഭിച്ച് വരുന്ന പ്രത്യേക പരിരക്ഷകള്‍ ബി .ജെ..പി. ഗവന്മേന്റ്‌റ് കശ്മീരിന് മാത്രമായി നിഷേധിക്കുമ്പോള്‍ അത് രാഷ്ട്രീയ ലക്ഷ്യം മുന്‍നിര്‍ത്തിയാണെന്ന് ഇതില്‍നിന്നും മനസ്സിലാക്കാവുന്നതാണ്. കുറച്ചുകൂടി തെളിച്ച്പറഞ്ഞാല്‍ ജമ്മു -കശ്മീരിന്റെ പ്രത്യേക പദവി പിന്‍വലിച്ചിരിക്കുന്നത് സംഘപരിവാറിന്റെ ഹിന്ദുത്വ അജണ്ട നടപ്പിലാക്കലിന്റെ ഭാഗമായാണ്.
